Avstraliyada dəhşət: başından güllələndi, sağ qaldı

Avstraliyada başından güllələnən 23 yaşlı gənc diri-diri basdırılaraq sağ qalıb. Medianews.az xəbər verir ki, o qatillərin hücumuna məruz qalıb. Hücum edənlər onu başından vuraraq dayaz qəbirdə basdırıb və qaçıblar. Ağır yaralanmasına baxmayaraq, sağ qalıb və başından güllə ilə yerdən sürünərək çıxa bilib. Qurban səhər saat 5 radələrində Brisbendən 50 kilometr cənubda yerləşən Cimbumba şəhərindəki yanacaqdoldurma məntəqəsinə çatıb. O, taksi istəyib və təcili yardım çağırmamaq üçün yalvarıb. Onun xahişlərinə baxmayaraq, yanacaqdoldurma məntəqəsinin işçiləri yenə də həkimləri çağırıblar. Xəstəxanada həkimlər onun beynindən gülləni çıxarıblar. Medianews.az