Sabiq futbolçu yeniyetməni xilas etdi

Rusiya millisinin keçmiş futbolçusu və Kazan "Rubin"inin keçmiş məşqçisi Roman Şaronov 2011-ci il təvəllüdlü komandalar arasında Rusiya çempionatının seçmə mərhələsi çərçivəsində keçirilən oyunda yeniyetməyə kömək edib. Medianews.az xəbər verir ki, gənc qapıçı başqa oyunçu ilə toqquşma nəticəsində huşunu itirib. Şaronov qapıçının hücumçu ilə toqquşduğunu bildirib. Bunu görən digər oyunçular kömək çağırmağa başlayıblar. Keçmiş futbolçu tribunadan zərərçəkənə yaxınlaşanda yeniyetmənin dilinin geri çəkilməyə başladığını, huşunu itirdiyini görüb. "Boğulmaması üçün onu böyrü üstə yatırdım - müəyyən manipulyasiyalar var, məndə məlumat var idi, ona görə də baş verənlərə reaksiya verdim", - Şaronov bildirib. Nəticədə gənc idmançıya vaxtında köməklik göstərilib. Oyundan sonra o, xilaskarına təşəkkür edib. Medianews.az