Jurnalist stressdən kor qala biləcəyini DEDİ

"Baby Reindeer" serialındakı obrazından istifadə etdiyinə görə Netflix-i məhkəməyə verən jurnalist Fiona Harv, Daily Record-a verdiyi açıqlamada, işin stresindən az qala görmə qabiliyyətini itirdiyini açıqlayıb. Medianews.az xəbər verir ki, çoxsaylı səhhətində problemi olan Harvi, məhkəmə başlayandan bəri vəziyyətinin pisləşdiyini söyləyib. "Mən kor oluram, “Baby Reindeer" serialından aldığım stressi nəzərə alsaq, bu təəccüblü deyil. Bu sürətlə görmə qabiliyyətimi itirməyim an məsələsidir", - o deyib. Harvi 2024-cü ilin yayında Netflix-ə qarşı iddia qaldırıb. O, şirkətdən 170 milyon dollar məbləğində pul təzminatı tələb edib. Medianews.az