Fəlakət xəbərdarlığı edildi: tarix açıqlandı

Beynəlxalq tədqiqatçılar qrupu xəbərdarlıq edir ki, qlobal istiləşmə bu templə davam edərsə, 2100-cü ilə qədər Yer kürəsinin buzlaqlarının 75%-i yox olacaq. Bu, dəniz səviyyəsinin ən azı 23 sm yüksəlməsinə və fəlakətli ekoloji nəticələrə səbəb ola bilər. Musavat.com xəbər verir ki, tədqiqat Science jurnalında dərc olunub. Xüsusilə Alyaska risk altındadır – burada buzlaqların 69%-i əriyə bilər. Hətta ən yaxşı ssenaridə belə bölgə buz ehtiyatının 41%-ni itirəcək. Alimlər bildirirlər ki, iqlim dəyişikliyi dayansa belə, buzlaqlar hələ yüz illərlə əriməyə davam edəcək. Bu səbəbdən, yaxın onillikdə görüləcək tədbirlər həlledici rol oynayacaq.