A4 kağız trendi ölümü yaymağa davam edir! Ekspertlərdən xəbərdarlıq

İzmir Şəhər Xəstəxanasından Prof. Doktor Qonca Özyurt sosial mediada gənclər arasında yayılan A4 kağızı ilə bel ölçüsünün ölçülməsi trendinin ciddi psixoloji problemlərə və qidalanma pozğunluğuna səbəb ola biləcəyi ilə bağlı xəbərdarlıq edib. Medianews.az xəbər verir ki, bu barədə sözcü.coma məlumat yayıb. Son zamanlar gənclər arasında gözəllik etalonu kimi qəbul edilən bu üsul xüsusilə sosial mediada sürətlə yayılır və mütəxəssislər belə paylaşımların gənclərdə bədən qavrayışına mənfi təsir göstərə biləcəyini bildirirlər. Gənclər qüsurlu olduqlarını düşünürlər Həkim sosial medianın gənclərin həyatında böyük yer tutduğunu bildirdi. Doktor Özyurt, bu mediada ideallaşdırılmış bədən imicinin gənclərin özünü qeyri-kafi və qüsurlu hiss etməsinə səbəb ola biləcəyini söyləyib. O, bu vəziyyətin zamanla bədənlərinə vəsvəsə, arıqlama səylərinə və qidalanma pozğunluğuna səbəb ola biləcəyini vurğulayıb. Xüsusilə yeniyetməlik dövründə zəiflik qavrayışının daha qabarıq olduğunu söyləyən Prof. Dr.Özyurt, "Qızlar gözəl, oğlanlar əzələli görünmək üçün təzyiqə məruz qala bilərlər. Bu, depressiya, anksiyete pozğunluqları və qidalanma pozğunluqlarına yol aça bilər. 12 yaşından sonra bu tip davranışlarla daha çox qarşılaşırıq" deyə bildirib. Özyurt, ailələrin uşaqları ilə daha keyfiyyətli vaxt keçirmənin və sosial mediadan istifadəyə şüurlu yanaşmanın əhəmiyyətini vurğulayıb. "Gənclərlə ünsiyyət qurmaq, sosial media məzmunundan danışmaq, onlara nəyin doğru və nəyin yanlış olduğunu öyrətmək lazımdır. Ailələr də öz sosial mediadan istifadə tərzlərinə diqqət yetirməlidirlər. Çünki uşaqlar onları ən çox özlərinə nümunə götürürlər" dedi. Medianews.az