Şabranda ağır qəza - 2 qardaş öldü

Şabranda ağır yol-nəqliyyat hadisəsi baş verib. “Qafqazinfo”nun məlumatına görə, hadisə Gəndob-Yalama avtomobil yolunun Şabran rayonu ərazisindən keçən hissəsində olub. Belə ki, “VAZ-21015” markalı minik avtomobili hərəkətdə olarkən idarəetməni itirib və nəticədə yol kənarındakı ağaca çırpılıb. Qəza zamanı avtomobildə olan iki qardaş Şabran rayonu Gəndob kənd sakinləri Elməddin Fərzəliyev və Əmrəli Fərzəliyev həyatlarını itiriblər. Hadisə ilə bağlı araşdırma aparılır.