Timsah qadına hücum etdi

Cənubi Afrikanın KvaZulu-Natal əyalətində timsah Enseleni çayını keçən qadına hücum edib. Medianews.az xəbər verir ki, ertəsi gün yerli sakinlər çayda meyiti görüb və hüquq-mühafizə orqanlarına məlumat veriblər. Polis əməkdaşları qadını sudan çıxarıblar. Polis qadının yaxınlıqdakı kəndlərin sakinlərinin tez-tez istifadə etdiyi keçidlə getdiyini güman edir. Timsah üzündən o, suya düşərək boğulub. Bundan sonra yırtıcı ona toxunmayıb: yaralar yalnız əlində tapılıb. Medianews.az