Həddindən artıq enerji içkisi bunlara SƏBƏB OLUR

Daxili Xəstəliklər Mütəxəssisi Burak Can enerji içkilərinin həddindən artıq istehlakı barədə açıqlama verib. Medianews.az xəbər verir ki, o bildirib ki, sözü gedən içkilərdən çox istifadə onlardan aslılıq yaradır. Onun sözlərinə görə, xüsusən ürək, böyrək və diabet xəstələrinə tövsiyə edilmir. Tərkibindəki kofein səbəbiylə aritmiya və ürək döyüntüsünə səbəb olaraq ürək xəstələrini təsir edərkən, yüksək şəkər diabet xəstələrini mənfi təsir edir. Elmi araşdırmalar göstərib ki, enerji içkilərinin həddindən artıq istehlakı sağlamlığa bir çox mənfi təsir göstərir. Enerji içkilərinin stress, aqressiv davranış, artan spirt və siqaret istifadəsi, yüksək qan təzyiqi, piylənmə və 2-ci tip diabet riski, keyfiyyətsiz yuxu və mədə qıcıqlanması kimi zərərlərə səbəb olduğu ifadə edilib. Mütəxəssis bildirib ki, insanlar ümumiyyətlə performanslarını artırmaq üçün enerji içkilərindən istifadə edirlər, lakin bəzi risklər daşıyırlar. Xüsusilə uşaq və yeniyetmələrin onlardan istifadə etmələrini tövsiyə etmirik. Onların tərkibində insanları oyaq saxlayan və onlara güc verən bir maddə olan kofein var. Onların tərkibində kofein, şəkər, taurin, B vitaminləri və bəziləri də guarana ehtiva edir. FDA gündə 4 milliqramdan çox kafein istehlak etməyi tövsiyə etmir. Enerji içkilərinin yayda sərinləmək üçün istehlak edildiyinə diqqət çəkən Burak Can vurğulayıb ki, enerji içkilərinin soyuducu təsiri olduğu düşünülür. Ancaq bu məhsullar maye itkisinə səbəb olduğu üçün soyutma təmin etmir. Enerji içkiləri suyun yerini tutmaz. Əksinə, enerji içkisi içdiyiniz zaman maye itkisinə səbəb olur, daha çox su içmə ehtiyacına səbəb olur. Medianews.az