Nazirlik at və eşşək ətindən kolbasa hazırlayanlarla bağlı HƏRƏKƏTƏ KEÇDİ

Türkiyədə Kənd Təsərrüfatı və Meşə Nazirliyi istehlaka yararsız qidalarla bağlı hərəkətə keçib. Medianews.az xəbər verir ki, sözügedən məsələ ilə bağlı nazirliyin rəsmi saytında məlumat yayılıb. Yayılan məlumatda qanunvericiliyə zidd məhsul istifadə edildiyi müəyyən edilən kolbasa istehsalçılarının adları açıqlanıb.

İstanbulun Bağcılar bölgəsində yerləşən “Yıldırım Gıda” şirkətinin istehsal etdiyi “Kasap Traditional” markalı kolbasada at və eşşək əti aşkarlanıb. Osmaniyedə “Beypa Gıda”nın istehsal etdiyi kolbasada isə quş əti və içalat tapılıb. Afyonkarahisarda fəaliyyət göstərən “Sevimoğlu Sucuks” və “Emrebey Et” tərəfindən istehsal edilən toyuq kolbasalarına isə mexaniki üsulla əldə olunan sümükdən ayrılmış ətin qarışdırıldığı məlum olub.

Nazirliyin sözügedən məsələ ilə bağlı araşdırmaları davam edir.

Medianews.az