Paşinyan delimitasiya prosesinin davam edib-etməyəcəyi ilə bağlı suala cavab verdi

"İrəvan və Bakının komissiyaları delimitasiyasının sərhədlərin hansı hissəsində davam etdiriləcəyini müzakirə etmək üçün tezliklə görüşə bilərlər". Medianews.az oxu.az-a istinadla xəbər verir ki, bu barədə Ermənistanın baş naziri Nikol Paşinyan "Armenpress" agentliyinə müsahibəsində məlumat verib. "Ermənistan və Azərbaycanda delimitasiya komissiyalarının reqlamenti ratifikasiya olunub, bu isə o deməkdir ki, delimitasiya prosesi davam etməlidir. Düşünürəm ki, sərhədin hansı hissəsində delimitasiyanı davam etdirməyə hazır olduğumuzu müzakirə etmək üçün yaxın vaxtlarda delimitasiya komissiyaları görüşəcəklər. Biz konkret, konstruktiv işə köklənmişik", - deyə Paşinyan delimitasiya prosesinin davam edib-etməyəcəyi ilə bağlı suala cavab verib.