Surroqat analarda hamiləliyin ciddi fəsadları riski yüksəkdir - ARAŞDIRMA

Kanadanın McGill Universitetinin alimləri müəyyən ediblər ki, surroqat analarda doğuşdan sonrakı sepsis və qanaxma, həmçinin hamiləlik zamanı yüksək təzyiq riski yüksəkdir. Medianews.az xəbər verir ki, araşdırmanın nəticələri “Annals of Internal Medicine” jurnalında dərc olunub. Tədqiqatçılar 863.017 tək doğuşa dair məlumatı nəzərdən keçiriblər.Bunlardan 806-sı hamiləlik daşıyıcıları, nəzərdə tutulan valideynlər üçün uşaq daşıyan surroqat analar olub. Məlum olub ki, bu qadınlar arasında ağır ana xəstəliklərinə tutulma ehtimalı 7,8 faiz təşkil edib. Uşağı müstəqil olaraq və ya in vitro gübrələmə (IVF) köməyi ilə mayalandıranlar arasında belə bir risk müvafiq olaraq üç dəfə və iki dəfə az idi. Tədqiqatçılar qeyd ediblər ki, surroqat analarda doğuşdan sonrakı ağır qanaxma, preeklampsi (qan təzyiqinin təhlükəli artması) və sepsisə (qan infeksiyası) daha çox rast gəlinir. O da müəyyən edilib ki, vaxtından əvvəl doğuşla əlaqədar surroqat analardan doğulan uşaqlarda embrionun, dölün və yeni doğulmuş uşağın ağır infeksiyalarına yoluxma riski bir qədər yüksək olub. Ayşən