Avropanın ən populyar avtomobili hansıdır?

Ay ərzində Avropada 750 mindən çox yeni avtomobil satılıb. Avropa bazarlarında avqustda 753 482 yeni avtomobil qeydiyyata alınıb. Bu, ötən ilin avqustunda qeydə alınan 899 881 ədəddən 16% azalma deməkdir. Medianews.az xarici mediaya istinadən xəbər verir ki, bu məlumatları 28 Avropa bazarının fəaliyyətini təhlil edən JATO Dynamics təqdim edir. JATO Dynamics analitiki Felipe Munos bildirib ki, alıcılar hələ də elektriklə işləmə təzyiqi ilə mübarizə aparır və elektrik avtomobilləri onsuz da bahalı yanma mühərrikli avtomobillərdən daha bahalı olmağa davam edir. Avtomobil markaları arasında ən populyarları "Volkswagen", "Toyota", "Škoda", "BMW" və "Mercedes" idi. Amma ən populyar model "Dacia Sander" hetçbeki olub - bir ay ərzində bu yeni avtomobillərdən 15,6 mini Avropa bazarlarında satılıb. Ən populyar 10 model belə görünür:

• Dacia Sandero - 15 653 ədəd;
• Tesla Model Y - 13 410;
• Toyota Yaris Cross - 13 201;
• Volkswagen T-Roc - 12 853;
• Renault Clio - 12 180;
• Dacia Duster - 11 655;
• Peugeot 208 - 10 778;
• Volkswagen Polo - 10 508;
• Toyota Yaris - 10 294;
• Kia Sportage - 10 153.