2024-cü ilin reytinq SİYAHISI AÇIQLANDI: “Ən yaxşı universitetlər” - FOTO

Akademik Performans Laboratoriyası (URAP) tərəfindən hazırlanan Universitet Sıralaması 2024-2025-ci illər üçün Türkiyənin ən yaxşı universitetlərinin reytinqini açıqlayıb. Medianews.az xəbər verir ki, siyahıya görə, Atatürk Universiteti dövlət universitetlərinin reytinqində 9-cu, Vəqf universitetlərinin reytinqində isə 11-ci yeri tutaraq “Ən yaxşı universitetlər” sırasına daxil olub. URAP Türkiyənin ən yaxşı universitetlərini müəyyən edərkən Clarivate Analytics/InCites və Ali Təhsil Şurasının (YÖK) dərc etdiyi məlumatlara əsaslanıb. Reytinqdə bir professor-müəllim heyətinə düşən məqalə və istinadların sayı, cəmi elmi sənədlər, beynəlxalq və yerli birgə məqalələr, TÜBİTAK-dan alınan layihələrin sayı və doktorantların nisbəti kimi kriteriyalar nəzərə alınıb.

“Əldə olunan nailiyyətlərlə fəxr etməyə davam edirik”

2024-2025 URAP Türkiyə Sıralamasını qiymətləndirən Atatürk Universitetinin rektoru Prof. Dr. Ahmet Hacımüftüoğlu açıqlamasında  müvəffəqiyyət qrafikinin artmağa davam etdiyini ifadə edib: “Bir araşdırma universiteti adı ilə işimizi davam etdirdiyimiz bu prosesdə əldə edilən nailiyyətlərlə qürur duyuruq. Tədqiqat nəticələrimizin həm keyfiyyətini, həm də kəmiyyətini artırmaq üçün atdığımız addımların nəticələri göz önündədir. Bunu ümumi nəşrlərimizin və layihələrimizin sayında, istinad sayımızda, doktorantura məzunlarının sayında, müxtəlif təşkilatlar tərəfindən edilən qiymətləndirmə hesabatlarında da görə bilərik. İnanıram ki, Atatürk Universiteti olaraq tədqiqat performansımızla əldə etdiyimiz sürəti davam etdirəcəyik və daha yüksək yerlərə çıxacağıq”. Medianews.az sözügedən siyahını təqdim edir: