Media
Türkiyənin paytaxtı Ankarada kişiyə aid kəllə və sümükləri tapılıb.
Medianews.az xəbər verir ki, təxminən 45 günlük olduğu müəyyən edilən meyit Ədliyyə Tibb Qurumuna aparılarkən, öldürülən şəxsin və qətl şübhəlisinin xarici ölkə vətəndaşı olma ehtimalı müzakirə edilir.
Çəmənlik ərazidə qoyunlarını otaran çoban Sabit Yürük adlı şəxs ağacların arasında kəllə sümüyü ilə rastlaşıb. Xəbər üzərinə hadisə yerinə gələn jandarma qrupları kəllə sümüyünün insana aid olduğunu müəyyən edərək meyitin qalan hissəsini axtarmağa başlayıb. Bir günlük işdən sonra qruplar meyitin qalıqlarını taparaq ekspertiza üçün Məhkəmə Tibb İnstitutuna göndəriblər.
Öldürülən şəxsin və qətl şübhəlisinin xarici ölkə vətəndaşı olması ehtimal edilib. Jandarma qrupları tərəfindən müəyyən edilən şübhəlinin tutulması və hadisəyə aydınlıq gətirilməsi üçün çoxşaxəli işlərə başlanıldığı bildirilib. Qətlin təxminən 45 gün əvvəl törədildiyi bildirilib.
