Media
Özbəkistanın Əndican şəhərindəki zooparkda mühafizəçinin ayı qəfəsinin qapısını bağlamağı unutması ilə dəhşətli hadisə baş verib.
Medianews.az xəbər verir ki, heyvanlara yem vermək üçün qəfəsə daxil olan mühafizəçinin təhlükəsizlik qaydalarına əməl etmədiyi iddia edilib.
Qəfəsin qapısını açıq qoyan mühafizəçinin arxasından qəfil yaxınlaşan ayı ona hücum edib. Təhlükəsizlik kamerasına əks olunan anlarda mühafizəçinin hadisə yerində həyatını itirdiyi məlum olub.
Üzərinə çıxan ayı ilə əvvəlcə mübarizə aparan kişi bir müddət sonra gücünü itirərək özündən gedib. Yerli KİV-in məlumatına görə, heyvan kişinin boynunu dişləyib və gövdəsini parçalayıb. Dəhşətə gələn digər zoopark işçiləri həmkarlarını xilas etmək üçün ayının üstünə taxta və daş atıblar.
Medianews.az
