Media
Türkiyədə Həsən K.-nin qısqanclıq zəminində gecə klubunda assolist sevgilisi Ebru Sultan BozdağI tapança ilə atəş açaraq yaraladığı iddia edilib.
Medianews.az xəbər verir ki, hadisə Türkiyənin Ankara şəhərində baş verib.
Həsən K. isə Bozdağın intihara cəhd etdiyini iddia edib. Prokurorun həbs tələbinə baxmayaraq, Həsən K. növbətçi Sülh cinayət hakimi tərəfindən sərbəst buraxılıb. Prokurorluq qərara etiraz edərək Həsən K.-nın həbsi üçün həbs qətimkan tədbirinin seçilməsini istəyib.
Hadisənin təfərrüatlarını təqdim edirik…
Dəhşətli hadisə sentyabrın 5-də Ebru Sultan Bozdağın Çankaya rayonunun Kavaklıdere rayonundakı evində baş verib. Gecə klubunda müğənni olan Ebru Bozdağ səhər saatlarında sevgilisi Həsən K. və atası tərəfindən xəstəxanaya aparılıb. Xəstəxana polisi tərəfindən ifadəsi alınan Həsən K. sevgilisinin ondan ayrılmaq istədiyi zaman intihar etmək istədiyini, silahı əlindən almaq istəyərkən silahın işə düşdüyünü iddia edib. Polisdəki ifadəsindən sonra prokurorluğa sövq edilən şübhəli, növbətçi hakim tərəfindən məhkəmə nəzarəti şərti ilə sərbəst buraxılıb.
Müalicəsindən sonra ifadəsi alınan Ebru Sultan Bozdağ vokal sənətçisi olduğunu və sevgilisi Həsən K.-nın hadisə günü saat 06.00 radələrində evinə gəldiyini, onu və ailəsini öldürməklə hədələdiyini bildirib: Evimə gəldi, belindəki silahı çıxardı. Boynumdan tutub arxama keçdi. Mənə bir dəfə atəş etdi. Yaralanandan sonra məni hamama apardı. Qanı saxlaya bilməyəndə atasına zəng etdi. Sonra məni atasının evinə apardılar. Məni burada müalicə etmək istədilər, amma qanı saxlaya bilməyəndə məni xəstəxanaya aparmağa məcbur oldular”.
Qadının ifadəsindən sonra Həsən K. yenidən nəzarətə alınıb.
Medianews.az
