Media
Ukrayna prezidenti Vladimir Zelenski xalqa gündəlik müraciətində Rusiyanın Xarkovu yenidən bombaladığını bəyan edərək, hücum nəticəsində 9 nəfərin öldüyünü, 19 nəfərin yaralandığını, onların hamısının mülki vətəndaş olduğunu açıqlayıb.
Medianews.az xəbər verir ki, ölənlər arasında 5 aylıq körpə və atasının olduğunu bildirən Zelenski ananın vəziyyətinin ağır olduğunu, yaralananlar arasında 9 yaşlı qız uşağının da olduğunu bildirib.
Rusiyanın Donbasdakı hazırkı hücumunun bölgəni viran qoya biləcəyini bildirən Zelenski, “Popasna, Baxmut, Lyman, Lisiçansk və Severodonetski Volnovaxanı və Mariupolu yerlə-yeksan etmək istəyirlər. Rusiyaya təzyiq göstərmək sözün əsl mənasında insanların həyatını xilas etmək məsələsidir”,-deyə vurğulayıb.
Latviya parlamentinə və xalqına müraciət edən Zelenski Ukraynanın müdafiəsi də daxil olmaqla, aldığı köməyə görə minnətdarlığını bildirib və deyib: “Əgər dünyada hər kəs Latviya və tərəddüd etməyən digər tərəfdaşlar kimi ümumi azadlığımızı müdafiə etmək əzmində olsaydı, Rusiya dövlətinin Ukraynaya, Avropaya və dünyaya heç bir zərər verə bilməzdi”.
Zelenski həmçinin bildirib ki, Hollandiyanın baş naziri Mark Rutte ilə telefon danışığı olub, ona döyüş meydanındakı vəziyyət barədə məlumat verib və Ukraynanın özünü müdafiə və hücumları dəf etmək qabiliyyətinin necə təkmilləşdirilə biləcəyini müzakirə edib.
Leyla
