Hava ilə bağlı VACİB XƏBƏRDARLIQ

Avqust ayında regionda müşahidə olunacaq sərin və yağıntılı hava şəraiti Azərbaycanın iqliminə də təsir göstərə bilər. Rusiyalı sinoptik Aleksandr İlyinin sözlərinə görə, Moskvada gözlənilən soyuq atmosfer cəbhəsi ilə əlaqədar gündüzlər +20, gecələr isə 13-15 dərəcə isti müşahidə olunacaq. Belə hava kütlələrinin cənub istiqamətində hərəkəti Azərbaycan iqliminə də müvəqqəti sərinlik və yağıntı gətirə bilərmi? Ümumiyyətlə, avqust ayında ölkəmizdə anomal istilər davam edəcəkmi? Meteroloq Cavidan Əliyev Medianews-a açıqlamasında bu sualları  cavablandırıb. Onun sözlərinə görə, qonşu ölkədə olan soyuq hava kütlələrinin təsiri Azərbaycana olmayacaq. “Əksinə avqust ayında temperatur daha da yüksələcək. Şimaldakı soyuq hava kütlələri ölkəmizə təsir etməyəcək. Avqustun əvvəlində Ərəbistan yarımadasından daxil olan qaynar hava kütlələri temperaturu bir qədər də yüksəldəcək. Avqust ayının birinci ongünlüyündə müsbət temperatur anomaliyaları müşahidə olunacaq, havanın temperaturunun iqlim normasından 4-6 dərəcə yüksək olacağı proqnozlaşdırılır. Bakıda havanın temperatur 37-40, Aran rayonlarında 40-43, Dağlıq rayonlarda 31-36, Böyük Qafqazın cənub yamacı olan Qəbələ, Şəki, Oğuz, Zaqatala rayonlarında 39 dərəcəyədək yüksələcək”. Oğuz Ayvaz, Medianews.az