O, Oskar mükafatlarının ləğvini TƏLƏB ETDİ

Yazıçı Stiven Kinq Los-Ancelesdəki dağıdıcı yanğınlar səbəbilə Oskar mükafatının ləğv edilməsinə çağırıb. Medianews.az “Lenta.ru”ya istinadən xəbər verir ki, o, bu barədə BlueSky sosial şəbəkəsində bildirib. "Bu il Oskarda səs verməyəcəyəm. Məncə, ləğv edilməlidir. Los-Anceles alovlananda heç bir qlamur yoxdur”, - yazıçı deyib. Kinqin izləyiciləri fikirləri bölündü. Bəzi pərəstişkarlar mərasimin yerli iqtisadiyyat üçün əhəmiyyətini, çoxlu sayda iş yerlərinin yaradılmasının mümkünlüyünü və “diqqəti yayındırmağa ehtiyacı olan” şəhər sakinlərinin əhval-ruhiyyəsinə müsbət təsir göstərdiyini qeyd edərək, boykotu dəstəkləmədilər.