Yeni evlənən cütlük motosiklet qəzasında ÖLDÜ

Türkiyədə yeni evlənən cütlük motosiklet qəzasında həyatını itirib. Medianews.az xəbər verir ki, faciə Muğlanın Ortaca rayonu ərazisində, Ortaca-Antalya magistral yolunda baş verib. Qəzada SB idarə etdiyi avtomobil Berkcan Kaplanın idarə etdiyi 48 ASZ 084 dövlət nömrə nişanlı motosikletin arxasına çırpılıb. Qəzada 25 yaşlı motosiklet sürücüsü Berkcan Kaplan və 20 yaşlı həyat yoldaşı Saliha Uslu Kaplan təxminən 30 metrdən yola atılıb. Keçən il evləndikləri bildirilən cütlük bütün müdaxilələrə baxmayaraq həyatını itirib. Polis qəza ilə bağlı araşdırmalara başlayıb. Avtomobilin sürücüsü S.B. saxlanılıb. Medianews.az