Hər bir evdə silah olmalıdır - QANUN TƏLƏBİ

ABŞ-nin Corciya ştatının Kennesaw şəhəri burada yaşayan vətəndaşlardan silah və sursatın olmasını tələb edir. Medianews.az “NTV”ə istinadən xəbər verir ki, qanuna görə, şəhərin və onun sakinlərinin təhlükəsizliyini təmin etmək üçün şəhərdəki hər bir evdə döyüş sursatı ilə birlikdə odlu silah olmalıdır. Oxşar silah qanunları ABŞ-nin ən azı beş başqa şəhərində də qüvvədədir. Kennesaw şəhərində məcburi silah qanunları 1982-ci ildə tətbiq edilib. Ağır cinayətlərə görə məhkum olunmuş şəxslər, əqli və ya fiziki qüsurlu vətəndaşlar bu qanundan azaddırlar. Kennesaw Polis Departamentinin məlumatlarına görə, 2023-cü ildə heç bir qətl hadisəsi baş verməyib, lakin silahdan istifadə edən iki intihar hadisəsi baş verib.