Braziliya yığması 2026-cı il dünya çempionatı çərçivəsində Şotlandiya ilə keçirilən matçda vinger Vinisius Juniorun qolunun ləğv edilməsi ilə barışmayaraq FIFA-ya rəsmi etiraz təqdim edib.
Sözügedən qarşılaşma Cənubi Amerika komandasının 3:0 hesablı qələbəsi ilə yekunlaşıb.
Braziliya tərəfinin irəli sürdüyü arqument Argentina millisinin yarımmüdafiəçisi Aleksis Mak Allisterin qayda pozuntusu ehtimalına əsaslanır. Belə ki, həmin epizodda Lionel Messinin Avstriya qapısına vurduğu ilk qoldan əvvəlki hərəkət cəzasız qalmışdı.
"Şotlandiya ilə matçda Braziliyanın ləğv edilən qolu, görünür, bu turnirdə qəbul edilmiş fəlsəfəyə uyğun gəlmir. Qeyd etmək lazımdır ki, bu qərar təkcə Braziliya üçün deyil, şotlandiyalı oyunçular üçün də gözlənilməz oldu. Onların reaksiyası göstərdi ki, onlar epizodun nəzərdən keçiriləcəyini və qolun ləğv olunacağını heç gözləmirdilər", - deyə etirazda qeyd olunub.
Qeyd edək ki, mübahisəli hadisə görüşün 22-ci dəqiqəsində baş verib. Vinisius şotlandiyalı müdafiəçi Cek Hendriyə pressinq edərək topu ələ keçirib və matçda ikinci qola imza atıb. Lakin meksikalı hakim Sesar Ramos VAR sistemində epizodu yoxladıqdan sonra vingerin qaydanı pozduğunu müəyyən edərək qolu ləğv edib./oxu.az