DÇ-2026-nın Avropa zonası üzrə seçmə mərhələsində Parisdə keçirilən Fransa-Azərbaycan oyunu meydan sahiblərinin 3:0 hesablı qələbəsi ilə yekunlaşıb.
Medianews.az xəbər verir ki, “Park de Prens” stadionunda oynanılan görüş oktyabrın 10-u Bakı vaxtı ilə saat 22:45-də start götürüb.
Görüşün ilk yarısında 45+2-ci dəqiqədə Kilian Mbappe millimizin qapısına ilk qolu vurub.
Görüşün ikinci hissəsində 69-cu dəqiqədə Adrien Rabyo, 84-cu dəqiqədə Florian Tauvin fərqləniblər.
Matçı norveçli FIFA referisi Rohit Saqqi idarə edib.
Üç turdan sonra 1 xalı olan Azərbaycan millisi qrupda sonuncu yerdə qərarlaşıb.
Qeyd edək ki, Ayxan Abbasovun rəhbərlik etdiyi Azərbaycan millisi qrupda 4-cü oyununu oktyabrın 13-də Polşada Ukraynaya qarşı keçirəcək.
