Qadınlarda qarında şişkinlik hansı xəstəliyinin əlaməti ola bilər?

Ginekoloq Maria Fernandez Cereguini yumurtalıq xərçənginin incə simptomlarla özünü göstərə biləcəyini söyləyib. Medianews.az xəbər verir ki, həkimin sözlərinə görə, yumurtalıq xərçəngi həzm və genitouriya sistemlərinin patologiyaları ilə qarışdırıla bilər. Belə ki, xəstəlik şişkinlik, çanaq nahiyəsində ağrılar, tez toxluq, defekasiya və sidiyə çıxma ilə bağlı problemlər kimi özünü göstərir. Mütəxəssis risk faktorları arasında qocalıq, genetik mutasiyalar, ailədə yumurtalıq xərçəngi halları, uşaq azlığı, gec menopoz, endometrioz və uzunmüddətli hormonal terapiya kimi halları müəyyən edib. Bu xəstəliyin qarşısını almaq üçün həkim düzgün qidalanmağı, müntəzəm idman etməyi, siqaret və spirtdən imtina etməyi məsləhət görür. Medianews.az