Noyer Almaniya millisinə qayıdır? - ŞOK İDDİA

"Bayern"in qapıçısı Manuel Noyer DÇ-2026-da Almaniya millisinə qayıda bilər. Publika.az xəbər verir ki, yığmanın məşqçilər korpusu 38 yaşlı futbolçunun geri dönməsi imkanlarını nəzərdən keçirir. Bu barədə "Bild" məlumat yayıb. Mənbənin sözlərinə görə, Noyerin mümkün qayıdışı “Barselona”nın qapıçısı Mark-Andre ter Ştegenin oyun formasından asılı olacaq. Əgər "Barsa"nın qapıçısı zədədən sonra yüksək formada çıxış etməsə, Manuelin yığmaya çağırılma şansı var. Xatırladaq ki, Noyer 2024-cü ildə Almaniya millisindəki karyerasını başa vurub.