Media
Bitkilər insan qulağının eşidə bilməyəcəyi səslər çıxarır, susuzluq və ya stress zamanı bu səsləri artırır.
Medianews.az xəbər verir ki, “The Cell” araşdırma jurnalında dərc olunan elmi araşdırmaya görə, botaniklər bitkilərin “səssiz canlılar” olmadığını ortaya çıxarıblar.
Tel-Əviv Universitetinin Elmlər Fakültəsinin dekanı, professor Lilach Hadany CNN-ə deyib: “Səsə cavab verən çoxlu orqanizm var, ona görə də düşündüm ki, bitkilərin kar və lal olduğuna inanmaq üçün yaxşı səbəbimiz yoxdur”.
6 il əvvəl laboratoriyasında ultrasəs mikrofonu ilə kaktusun səsini ilk dəfə qeydə alan Hadany qeyd etdi ki, qeyd etdiyi səsin kaktusdanmı, yoxsa ətrafdakı başqa bir şeydənmi olduğundan əmin deyil.
Bitkilərin vibrasiya yaratdığının daha əvvəl bilindiyini, lakin bunun havada yayılan səs dalğalarına çevrildiyinə dair heç bir dəlil olmadığını ifadə edən Hadany, özünün və komandasının səs keçirməyən akustik qutularda işlədiyini qeyd etdi.
Tütün və pomidor tingləri qoyduğu qutulara 20 ilə 250 kilohers arasında səsləri qəbul edən ultrasəs mikrofonları yerləşdirən komanda bəzi bitkilərin müəyyən hissələrini kəsib, bəzilərini susuz qoyub, bəziləri isə onlara heç toxunmayıb.
Komanda daha sonra insan qulağına eşidilməyən 40 ilə 80 kilohers arasında olan səsləri qeydə alıb. Komanda, bunların patlayan qarğıdalı səsinə bənzədiyini bildirib.
Bundan əlavə, komanda stress altında olan bitkilərin daha çox səs çıxardığını müəyyən etdi.
Medianews.az
