Media
Dazıotu çoxillik qayalarda bitən və günəşi sevən bitkidir.
Day.Az Lent.az-a istinadən xəbər verir ki, tərkibi flavonoidlər, saponinlər, karotin və askorbin turşusu ilə zəngindir. Mədə-bağırsaq xəstəlikləri zamanı büzücü, iltihab əleyhinə, antimikrob təsir göstərir, toxumalarda regenerasiyanı sürətləndirir. Öd kisəsinin durğunluğu, öd kisəsinin və öd yollarının iltihabı zamanı ödü durulaşdırır, öd yollarındakı gərginliyi azaldır ödqovucu təsir göstərərək ödün bağırsağa tökülməsini asanlaşdırır. Bu bitkinin çiçəklərindən hazırlanan daızıotu yağı isə başda yarıqların tez sağalması olmaqla bir çox xəstəliyin müalicəsi üçün istifadə edilir.
Dazıotu yağını hazırlama qaydası
100 qram təzə və ya qurudulmuş dazıotu çiçəkləri yüngülcə əzilir və üzərinə 250 qram zeytun yağı əlavə edilir. Qarışım 30 gün günəşdə saxlanılır, 30 gündən sonra süzülür. Təzə çiçəklərdən istifadə edilərək hazırlanan yağın rəngi qırmızı, qurudulmuş çiçəklərdən istifadə edilərək hazılandıqda isə sarı olacaq. Lakin hər ikisi də eyni xüsusiyyətlərə malikdir.
Dazıotu çayını dəmləmə qaydası
1 stəkan qaynar suya 2,5-3 çay qaşığı qurudulmuş dazıotu əlavə edildikdən sonra dəmlənməsi üçün 10 dəqiqə qaynadılır. Daha sonra süzülərək istifadə olunur. Təzə bitki ilə də dazıotu çayı dəmləmək mümkündür. Ancaq su qaynadılmamalıdır. Təzə bitkinin qaynar suda bir neçə dəqiqə qalması kafidir.
Dazıotu yağının faydaları
1-Mikrob əleyhinə güclü təsir göstərir
Dazıotu yağı bakteriyaları öldürür. Çoxalmasının qarşısını alır. Bu səbəbdəndir ki, yanıqların sağalması üçün tərkibində Dazıotu yağı olan məlhəmlər istifadə edilir.
2- İltihab əleyhinə məqbuldur
İltihab əleyhinə təsir göstərir. İnfeksiyaya qarşı mübarizə aparır.
Viruslara, bakteriyalara və göbələklərə qarşı təsirlidir. Bu mikrobların dəridə yaratdığı infeksiyalardan xilas olmaq üçün istifadə edilə bilər.
3-Yaraların sağalmasını sürətləndirir
Dazıotu yağı yaraların,yanıqların və günəş şualarının əmələ gətirdiyi yanıqların sağalmasını sürətləndirir.
4-Həzmi rahatlaşdırır
Dazıotu çayı mədə turşusunun təsirini yüngülləşdirir və həzmi asanlaşdırır.
Mədə xorası və köp problemlərini, qastrit, reflü, qəbizlik və qaz sancıları üçün istifadə edilə bilər.
5- Depressiyanı yüngülləşdirir
Dazıotu çayının yüngül və orta dərəcəli depressiya və panik atakların müalicəsində təsirli olduğu təbii tədqiqatlar nəticəsində müəyyən edilib.
Lakin müntəzəm dərman qəbul edənlər, dazıotu çayını istifadə etməzdən əvvəl psixiatr həkimlə məsləhətləşməlidirlər.
6- Klimaks şikayətlərini azaldır
Dazıotu çayı qadınların ən çətin dövrlərindən menopauza zamanı şikayətlərinin azalmasına kömək edər.
7- Dazıotu yağının dəriyə faydaları
Quru dərilər və xüsusilə çox rast gəlinən kalluslar və daban çatlarından xilas olmaq üçün istifadə edilməlidir.
8- Dərinin keyfiyyətini yaxşılaşdırır
Dazıotu yağı dərini nəmləndirir. Yaşlanma əleyhinə təsirlərə malikdir. Məsamələri sıxmağa və dərinin məsaməli görünüşünü azaltmağa kömək edər. Dərini bərabərləşdirir.
9- Saç tökülməsinin qarşısını alır
Dazıotu yağı zəngin komponentləri ilə saçları və saç köklərini qidalandırır, saçları gücləndirərək tökülməsinin qarşısını alır. Baş dərisində soyulma, kəpək və ekzema kimi problemlərin əleyhinə də istifadəsi məsləhətdir.
10- Dazıotu çayı kofein, spirt və siqaret kimi asılılıqların müalicəsində təsirlidir. Menstruasiya sancılarını azaldır. Gecə yuxusunu tənzimləyər. Yuxu problemi olanların gecə yatmazdan əvvəl bir stəkan içmələri məsləhətdir.
Dazıotu yağını dəridə necə istifadə etmək olar?
Dazıotu yağı yaraların sağalması, dəri infeksiyaları və ekzema kimi müxtəlif dəri xəstəliklərin müalicəsi üçün dəriyə tətbiq edilərək istifadə olunur.
Dazıotu yağının mənfi təsirləri
Yağı istifadə etdikdən sonra günəş şualarından qorunmaq lazımdır. Çünkü Dazıotu yağının xarici dəridə istifadəsi xüsusilə həssas dərili insanlarda günəş yanığı ehtimalını artırır. Dərinin qaralmasına səbəb ola bilər.
Dazıotu çayı isə gündə 1 və ya 2 stəkandan çox içilməməlidir.
Dazıotu yağı kimlər üçün əlverişsizdir?
Dazıotu yağını ürək-damar xəstələri, hamilə qadınlar, zahı və uşaq əmzirən qadınlar, böyrəküstü vəzi şişləri olanlar, kimyaterapiya qəbul edənlər istifadə etməməlidilər.
Dazıotu çayını isə antibiotiklər, ürək-damar və sinir sistemi müalicəsində istifadə olunan dərmanlar qəbul edənlərin içməməmələri tövsiyə olunur.
