Oregon Sağlamlıq və Elm Universitetində aparılan yeni bir araşdırmaya görə, zəif yuxu, pis qidalanma, hərəkətsizlik və tənhalıq kimi digər amillərdən daha çox ömrü qısalda bilər.
Medianews.az xəbər verir ki, bu barədə Foxnews-də yazılıb.
Məqalədə izah olunur ki, "Sleep Advances" jurnalında dərc olunmuş bir araşdırmada tədqiqatçılar ABŞ Xəstəliklərə Nəzarət və Profilaktika Mərkəzləri tərəfindən aparılan ümumölkə sorğusunun məlumatlarını təhlil edərək, qraflıqlar üzrə ömür uzunluğundakı tendensiyaları müəyyən ediblər.
Onlar müəyyən ediblər ki, yuxu çatışmazlığı ABŞ-nin hər bir ştatında ölüm riskini artırır və sağlamlığa təsirinə görə siqaretdən sonra ikinci yerdədir.REKLAM
Alim Endryu MakHill qeyd edib ki, yuxunun uzunömürlülüklə bu qədər güclü şəkildə əlaqəli olacağını gözləmirdi.
"Biz həmişə yuxunun vacib olduğunu düşünmüşük, amma araşdırmalarımız bunu həqiqətən də təsdiqləyir: insanlar həqiqətən yeddi-doqquz saat yatmağa çalışmalıdırlar. Bu tədqiqat göstərir ki, yuxuya ən azı nə yediyimiz və ya necə idman etdiyimiz qədər üstünlük verməliyik", - deyə o bildirib.
Psixiatr Dr. Daniel Amen, beyin funksiyası və uzunömürlülük üçün yuxunun əhəmiyyətini vurğulayıb: "Yuxu çox vacibdir. Yatdığınız zaman beyniniz təmizlənir və tərləyir. Gecə yeddi-doqquz saat yatmasanız, beyniniz əslində olduğundan daha yaşlı görünür - qan axını daha az olur və bu da iltihabı artırır. Sonra beynin gün ərzində yığılan toksinlərdən qurtulmaq üçün kifayət qədər vaxtı olmur".
Həkim xəbərdarlıq edib ki, yuxu çatışmazlığı səhv qərarlara səbəb ola bilər.
"Beynin frontal bölgələrində aktivlik azaldıqda, siz təkcə yorğunluq hiss etmirsiniz, həm də daha çox aclıq hiss edir və daha çox səhv qərarlar verirsiniz. Bu, əlbəttə ki, sizdə stress yaradacaq və sonra növbəti gecə yatmaqda çətinlik çəkəcəksiniz", - deyə o bildirib.
Beyin sağlamlığını və uzunömürlülüyü dəstəkləmək üçün Dr. Amen kiçik bir addımla — ən azı 15 dəqiqə tez yatmağı məsləhət görür.
Medianews.az
