Beynin vaxtından əvvəl qocalması - SƏBƏB

Yapon alimləri müəyyən ediblər ki, müəyyən genin aktivliyinin azalması beynin vaxtından əvvəl qocalmasına və yaddaşın pisləşməsinə səbəb ola bilər. Medianews.az xəbər verir ki, tədqiqat “The EMBO Journal” jurnalında dərc edilib və sinir kök hüceyrələrinin fəaliyyətinə təsir edən yeni mexanizmləri ortaya qoyur. Nara Elm və Texnologiya İnstitutunda Taito Matsudanın rəhbərlik etdiyi qrup tək hüceyrəli ardıcıllıqdan istifadə edərək həyatın müxtəlif mərhələlərində siçanlardan alınan beyin nümunələrini tədqiq edib. Onlar aşkar ediblər ki, Setd8 geni erkən yetkinlik dövründə kəskin şəkildə azalır. Bu, sinir kök hüceyrələrinin bölünməsinin azalmasına və yeni neyronların meydana gəlməsinə səbəb olur. Bu da öyrənmək və yadda saxlamaq qabiliyyətinə təsir göstərir. Heyvanlarda Setd8-in süni şəkildə susdurulması yaşa bağlı beyin yaşlanmasında baş verənlərə bənzər molekulyar dəyişikliklərə səbəb olUB və Setd8-i əhəmiyyətli biomarker və terapiya üçün potensial hədəf halına gətirib. Müəlliflər vurğulayırlar ki, bu genin rolunu başa düşmək beynin erkən qocalması proseslərini ləngidə və hətta geri qaytara bilən və yaşa bağlı xəstəliklərin, o cümlədən Alzheimer xəstəliyinin qarşısını almağa kömək edən yeni metodların yaradılmasına yol açır.