"Qalatasaray" komandadan ayrılmaq istəyən Alvaro Morataya ŞƏRT QOYDU

"Qalatasaray" komandadan ayrılmaq istəyən və "Komo" ilə razılaşan ispaniyalı hücumçu Alvaro Morataya şərt qoyub. Oxu.Az-ın xəbərinə görə, bu barədə NTVSpor.net nəşri məlumat verib. Qeyd edək ki, mövsümün gedişində transfer dövründə "Qalatasaray"ın heyətinə qatılan Alvaro Moratanın "sarı-qırmızılar"dan ayrılmaq qərarına gəldiyi, bir müddətdir "Komo" ilə danışıqlar apardığı və hətta razılığa gəldiyi bildirilirdi. Digər tərəfdən, "Qalatasaray" ispaniyalı hücumçu ilə bağlı qərarını verib. Klub müqaviləsi davam edən Alvaro Moratadan transfer haqqı gəliri gözləyir.