Azərbaycan Premyer Liqasının oyunlarını nə qədər azarkeş izləyib? - PFL AÇIQLADI

Azərbaycan Premyer Liqasının 2024/2025 mövsümünün matçlarını 275 min 933 tamaşaçı izləyib. Publika.az Peşəkar Futbol Liqasının rəsmi saytına istinadən xəbər verir ki, 180 oyunda orta tamaşaçı sayı 1533-ə bərabər olub. Ev görüşlərindəki izləyici sayında “Turan Tovuz” hamını qabaqlayıb. Qərb təmsilçisi mövsüm ərzində 78500, orta hesabla hər oyunda 4361 tərəfdar toplayıb. “Turan Tovuz” ikinci yerdən təxminən iki dəfə önədir. Tamaşaçı sayında “Neftçi” ikinci, “Sumqayıt” üçüncü pillədə qərarlaşıb.

1	Turan Tovuz	78500	18	4361
2	Neftçi	39767	18	2209
3	Sumqayıt	33450	18	1858
4	Qarabağ	31130	18	1729
5	Sabah	23886	18	1327
6	Şamaxı	20900	18	1161
7	Kəpəz	18600	18	1033
8	Zirə	13550	18	753
9	Səbail	11550	18	642
10	Araz-Naxçıvan	4600	18	256
	Cəmi	275933	180	1533

Mövsümün ən çox tamaşaçı toplayan qarşılaşmaları Azərbaycan derbiləridir. 23-cü turda “Neftçi” – “Qarabağ” oyununda 9355, 31-ci turda “Qarabağ” – “Neftçi” görüşündə 7200, 15-ci turun “Neftçi” – “Qarabağ” matçında 7069 azarkeş qeydə alınıb. “Sumqayıt” – “Qarabağ” (9-cu tur, 7000 tamaşaçı) və “Turan Tovuz” – “Qarabağ” (28-ci tur, 6500 tamaşaçı) oyunları da ilk “beşlik”də yer alıb.