Dəhşət: Bəy rəqsə görə öldürüldü

Hindistanda gəlinin qohumları toy zamanı bəyi öldürüblər. Medianews.az xəbər verir ki, hadisə iyunun 5-də Uttar Pradeş ştatında, Qazipur şəhərində baş verib. Toy korteji DJ-in ifa etdiyi yüksək səsli musiqi sədaları altında küçələrlə hərəkət edib. Bəy, Rakeş Rama və gəlin bəzi ritualları yerinə yetirib növbəti ayinlərə hazırlaşdıqdan sonra qonaqlar arasında DJ-in ifa etdiyi musiqi sədaları altında rəqs etmək üstündə mübahisə düşüb. Mübahisə edənlərdən bəziləri, xüsusən də gəlinin qohumları içkili olub. Tezliklə dava düşüb. Ramanın atası münaqişəni dayandırmağa çalışsa da, onlar onu da döyməyə başlayıblar. Daha sonra bəy özü atasını qorumaq istəyib. Onlar Ramanı çubuqlarla döyməyə başlayıblar və bir gənc tapançanın sapı ilə onun başına bir neçə zərbə endirib. Bundan sonra bəy huşunu itirərək xəstəxanaya çatdırılıb. Həkimlər bir neçə saat onun həyatı üçün mübarizə aparsalar da, onu xilas edə bilməyiblər. Bayram zamanı çəkilən video çəkilişlərdə Ramunun Vişal adlı gəncin başına zərbə endirdiyi görünür. Müstəntiqlər bunun ölümcül zərbə olduğunu düşünürlər. Həmçinin məlum olub ki, hindli bu silaha qeyri-qanuni sahib çıxıb. O, həbsdədir. Davanın digər iştirakçılarının təqsirinin dərəcəsi hələlik açıqlanmayıb. Medianews.az