Rusiya dünya müharibəsinə hazırlaşır

Rusiya Silahlı Qüvvələri genişmiqyaslı modernləşmədən keçir və Moskva dünya müharibəsinə hazırlaşır. Axar.az xəbər verir ki, bu barədə “Der Spiegel” məlumat yayıb. “Ölkənin hər yerində yeni obyektlər - bazalar, yüzlərlə kazarma, müşahidə qüllələri, komanda mərkəzləri və anbarlar tikilib, kilometrlərlə yeraltı tunellər salınıb. Onların arasında qitələrarası raketlə buraxılan, manevr edə bilən hipersəs döyüş başlığı olan “Avanqard” sisteminin yerləşdiyi modernləşdirilmiş ərazi də var. Moskvanın genişmiqyaslı şəkildə yenidən silahlanma ilə bağlı bəyanatları real addımlarla dəstəklənir. Lakin modernləşmə əsasən köhnəlmiş sovet sistemlərini kompensasiya edir və nüvə fövqəldövlətləri arasında strateji tarazlığı dəyişmir”, - məlumatda deyilib.