İsrail Qəzzada məktəbi vurdu, azı 20 nəfər ölüb

İsrail Qəzzada məcburi köçkün dinc sakinlərin yerləşdiyi məktəb və uşaq bağçasını vurub. Medianews.az “Haber global”a istinadən xəbər verir ki, əd-Dərəc bölgəsindəki Fəhmi əl-Cərcəvi məktəbi İsrail ordusunun hədəfində olub. Hücumda aralarında uşaqların da olduğu ən azı 19 nəfərin həyatını itirdiyi, dağıntılar altında qalanların axtarışlarının davam etdiyi bildirilib. Deyr-əl-Bələh şəhəri yaxınlığındakı Məğazi Qaçqınlar Düşərgəsində mülki şəxsləri qəbul edən uşaq bağçasının bombalanması nəticəsində bir nəfər ölüb. Hücumlarda onlarla insanın yaralandığı və ölənlərin sayının arta biləcəyi bildirilib. Medianews.az