MÖCÜZƏ: 9-cu mərtəbədən yıxılan körpəni tutaraq xilas etdi

Rusiyanın Domodedovo şəhərində əsl möcüzəvi hadisə baş verib. Medianews.az "Komsomolskaya pravda"ya istinad edərək xəbər verir ki, 12 yaşlı uşaq 9-cu mərtəbədən yıxılan körpəni tutaraq xilas edib. Əmir Abaçev dostları ilə küçədə oynayarkən qəfildən doqquzuncu mərtəbədə asılmış balaca uşağı görüb. Aydın idi ki, o, var gücü ilə dayanır; faciəyə sözün həqiqi mənasında saniyələr qalmışdı. Məktəbli birtəhər mexaniki və çox tez trayektoriyanı hesablayıb və düşdüyü yerə qaçıb. O, körpənin aşağı düşdüyü anda gəlib. Ən heyrətlisi odur ki, Əmir onu yerə dəymədən tuta bilib. Körpə yüngül xəsarətlərlə xilas ola bilib. Sadəcə kiçik bir sınıq və qançırları olub. Hadisə aprelin 23-də Domodedovo şəhərinin Kurıjova küçəsində baş verib. Əmir altıncı sinifdə oxuyur. Uşağın qışqırıqlardan diqqət çəkib. O, pəncərədən yıxılıb, lakin karnizdən tuta bilib. Onun geri dırmaşmağa gücü yox idi. 12 yaşlı məktəblinin kifayət qədər soyuqqanlılığı var idi. Aydın məsələdir ki, o, həmin an öz hərəkətlərini düşünmədən hərəkət edib. Axı bir az səhv hesablasaydı, özü də asanlıqla ağır yaralar ala bilərdi. Doqquzuncu mərtəbədən yıxılan oğlanın cəmi dörd yaşı var idi. O, hazırda yerli xəstəxanadadır. Onun həyatı təhlükədə deyil. Məlumata görə, təcili yardım briqadası Tacikistan əsilli uşağı Domodedovo xəstəxanasına çatdırıb. O, valideynlərinin səhlənkarlığı ucbatından binanın 9-cu mərtəbəsindən yıxılıb. 12 yaşlı gənc qəhrəmanın kimliyini öyrənməyə başlayanda birdən məlum olub ki, o. Rusiya Qəhrəmanı, general-leytenant Esedulla Abaçevin nəvəsi olub. Əmir rayon rəhbərliyində mükafatlandırılıb. Medianews.az