Saxta sayt - "myGov” adı ilə vətəndaşları aldadır

“Son günlərdə “myGov” portalına bənzədilərək hazırlanmış saxta internet səhifəsi vasitəsilə vətəndaşlar aldadılır”. Bunu Medianews.az-a açıqlamasında Azərbaycan İnformasiya və Kommunikasiya Texnologiyaları Sənayesi Assosiasiyasının sədri Elvin Abbasov deyib. E.Abbasov bildirib ki, fırıldaqçılar guya dövlət yardımı və qeydiyyat adı ilə istifadəçiləri cəlb edərək onların şəxsi və maliyyə məlumatlarını ələ keçirməyə çalışırlar: “Vətəndaşlardan daxil olan məlumatlara əsasən, bir çox şəxs bu saxta sayta etibar edərək öz bank kartı və digər həssas məlumatlarını təqdim edib və nəticədə maddi və informasiya baxımından zərər çəkib”. E.Abbasov xatırladıb ki, rəsmi sayt belədir: https://my.gov.az/ Saxta sayt isə budur: http://mygov.yardimqeydiyyat.com Şübhəli linklərə daxil olmayın və məlumatlarınızı paylaşmazdan öncə saytın doğruluğunu yoxlayın! Nailə Qasımova, Medianews.az