Dəhşət: Az qala ayağını itirəcəkdi

Avstraliyada köpəkbalığının hücumu nəticəsində ayağını itirmək üzrə olan qadın baş verənlərin təfərrüatlarını paylaşıb. Medianews.az xəbər verir ki, hadisə martın 7-də Sidneyin cənubundakı ucqar çimərlikdə Mani Zhangın başına gəlib. 57 yaşlı qadın bu yerin ona həmişə təhlükəsiz göründüyünü qeyd edib. O, sahildən bir neçə metr aralıda üzüb və birdən suyun altında nəyinsə onun yanından keçdiyini hiss edib. Sonra Zhang bir şeyin onu sancdığını hiss edib. Onun ətrafındakı su qırmızıya çevrilib. Qadının dediyinə görə, o qədər qan olub ki, köpək balığını belə görməyib. "Düzünü desəm, öləcəyimi düşünürdüm" deyə qadın etiraf edib. Bu zaman sudan başqa çimənlər çıxıb- Bleyk Donaldson və onun ortağı Ellen Melchert. Onlar qadının qışqırdığını eşidiblər  və Donaldson əlində sörf taxtası ilə onun köməyinə qaçıb. Zhang o qədər zəif idi ki, ona verilən lövhədən güclə tuta bilib. Onlar sahilə çata biliblər. Orada Melchert qurban üçün dəsmallardan doğaçlama turniket düzəltdi və təcili yardım çağırdı. "Bleykin necə göründüyünü və ya Ellenin necə göründüyünü xatırlamıram. Mən sadəcə bilirəm ki, məni xilas etmək üçün orada olan iki qəhrəman var," Zhang xəstəxanada oyandıqdan sonra deyib. Həkimlər onun ayağını xilas ediblər. Medianews.az