Dəhşət: Pələng iki nəfəri yedi, daha iki nəfəri yaraladı

Hindistanda pələng iki nəfəri parçalayıb, daha iki nəfəri yaralayıb. Medianews.az xəbər verir ki, faciə Maharaştra baş verib. Sonuncu hücum aprelin 13-də baş verib. T-3 kimi tanınan pələng madhuka longifolia çiçəklərini yığan 60 yaşlı Vithoba Jambuleyə hücum edib. Kişi evə qayıtmayanda ailəsi axtarışa başlayıb və onun parçalanmış cəsədini aşkarlayıb. Bir neçə gün sonra Tadoba-Anxari pələng qoruğu T-3-ün başqa yerdə göründüyünü öyrənib. Müəyyən edilmiş yerə sürətli cavab qrupu göndərilib. Pələng qaçmağa çalışsa da, sıx kolların arasından gərgin təqibdən sonra meşəçilər ona yetişib bütün qaçış yollarını bağlaya biliblər. Daha sonra o, sakitləşdirici oxla vurulub. Heyvan yuxuya getdikdən sonra onu qəfəsə bağladılar və Naqpurdakı tədqiqat mərkəzinə apardılar. T-3-ün 15 yaşında olduğu təxmin edilir. Adətən 13-15 yaşa qədər yaşayan Benqal pələngləri üçün bu, yetişmiş qocalıq dövrüdür. Mütəxəssislərin fikrincə, bu onu adamyeyən edib. O, artıq başqa ov tuta bilməyib, çünki köhnəldiyi üçün dişləri tökülüb. Medianews.az