Bu pəhriz infarktın QARŞISINI ALIR

"Aralıq dənizi pəhrizi infarkt riskini azaltmağa kömək edə bilər”. Medianews.az xəbər verir ki, bunu diyetoloq Marina İvanova deyib. “Aralıq dənizi pəhrizi qan damarlarını və ürəyi gücləndirməyə kömək edəcək və müvafiq olaraq infarkt riskini azaldacaq”, - deyə o bildirib. İvanova, Aralıq dənizi pəhrizinə riayət edilməsinin infarkt riskini 20-40 faiz azalda biləcəyinə diqqət çəkib. Onun sözlərinə görə, bu pəhrizin əsasını çoxlu miqdarda lif, paxlalılar, tam taxıl çörəyi və makaron, təmizlənməmiş bitki yağları, məsələn, zeytun yağı, həmçinin qoz-fındıq və toxum təşkil edir. Süd və süd məhsulları məhdud miqdarda icazə verilir və şəkər, desertlər və emal edilmiş ət məhsulları praktiki olaraq istisna edilir. İvanova əlavə edib ki, bu pəhrizdə zülalın əsas mənbələri quş əti, yumurta, balıq və dəniz məhsullarıdır. İvanova həmçinin qeyd edib ki, B, K, eləcə də C və E vitaminləri qan damarlarının və ürəyin sağlamlığını qorumaq üçün faydalıdır, lakin onların öz başlarına alınması təhlükəlidir, doza həkim tərəfindən seçilməlidir. Medianews.az