2 gündür ki, bu ölkəyə kosmosdan qəribə obyektlər DÜŞÜR

Ardıcıl ikinci gündür ki, Polşaya kosmosdan obyektlər düşür. Bu dəfə, söhbət fevralın 20 - də Pomeraniya Voyevodalığının Çersk şəhəri yaxınlığındakı gölməçəyə düşən qəribə obyektdən gedir. Medianews.az “Lenta.ru”ya istinadən xəbər verir ki, bu barədə Fakt portalı məlumat yayıb. Polisə Çersk sakininin ifadəsi daxil olub, o bildirib ki, onun əmlakına naməlum əşya düşüb. Daha sonra polis “Falcon 9” raketinin qalıqları aşkar edib. Əlavə olaraq qeyd olunub ki, Polşa Kosmik Agentliyi bu işi öz üzərinə götürüb və insidentin səbəblərini araşdırır. Medianews.az