"Neftçi" və "Qarabağ" növbəti oyunlarını keçirəcək

"Neftçi" və "Qarabağ" Azərbaycan Premyer Liqasında növbəti oyunlarını bu gün keçirəcəklər. Medianews.az xəbər verir ki, paytaxt təmsilçisi XX turda "Araz-Naxçıvan"la üz-üzə gələcək. Qarşılaşma saat 16:00-da start götürəcək. "Ağ-qaralar" 18 xalla yeddinci, Naxçıvan klubu 39 xalla ikinci pillədə qərarlaşıb. Tura "Qarabağ" - "Turan Tovuz" matçı ilə yekun vurulacaq. Görüş saat 18:30-da başlayacaq. Ağdam təmsilçisi 50 xalla liderdir. Qonaqlar 32 xalla 4-cü sıradadırlar. Premyer Liqa IlI dövrə, XX tur 26 yanvar 16:00. "Araz-Naxçıvan" - "Neftçi" Hakimlər: Rauf Cabarov, Zöhrab Abbasov, Teymur Teymurov, Elvin Bayramov. VAR: İnqilab Məmmədov. AVAR: Namik Hüseynov. Hakim-inspektor: İmanxan Sultani. "Liv Bona Dea Arena" 18:30. "Qarabağ" - "Turan Tovuz" Hakimlər: Cavid Cəlilov, Müslüm Əliyev, Eyyub İbrahimov, Kamranbəy Rəhimov. VAR: Əliyar Ağayev. AVAR: Zeynal Zeynalov. Hakim-inspektor: Ceyhun Haşımov. Tofiq Bəhramov adına Respublika stadionu Qeyd edək ki, turun əvvəlki oyunlarında "Zirə" səfərdə "Şamaxı"nı 2:1, "Səbail" evdə "Kəpəz"i 1:0 hesabı ilə üstələyib. "Sabah" - "Sumqayıt" matçında hesab açılmayıb.