Nə üçün balqabaq faydalıdır?

Terapevt Polina Şubina soyuq mövsümdə pəhrizə mövsümi və digər meyvə-tərəvəz əlavə etməyi məsləhət görüb. Medianews.az “Lenta.ru”ya istinadən xəbər verir ki, həkim pəhrizə balqabağı əlavə etməyi tövsiyə edib. "Balqabaq C vitamini, fol turşusu və B vitaminləri ilə zəngindir, antioksidantlar sayəsində yüksək qan təzyiqi, revmatoid artrit, Alzheimer xəstəliyinin qarşısını alır, həmçinin dəri sağlamlığını qoruyur və kollagen istehsalını stimullaşdırır", - deyə o bildirib. Bundan əlavə, qışda xurma, armud, heyva, zoğal, kivi, balqabaq, badımcan və bolqar bibəri yeməyə çağırıb. Həkim bu məhsulları çoxlu vitamin və mikroelementlərin, həmçinin qida lifinin mənbəyi adlandırıb. Şubina bildirib ki, vitaminlər və pəhriz əlavələri qəbul etmək yaxşı sağlamlığın təminatı deyil. “Bu səhvdir. Vitaminlər psixostimulyator deyil, psixoaktiv maddələr deyil, yəni daha enerjili və aktiv hiss etməyə kömək etməyəcək”, - həkim vurğulayıb.