ABŞ, Avstraliya, Yeni Zelandiya... - insanlar ən az BU GÜNDƏ DOĞULUR

Bu tarix ABŞ, Avstraliya və Yeni Zelandiyada doğulan körpə üçün ən nadir tarixdir. Medianews.az “UNİAN”a istinadən xəbər verir ki, ilin elə bir günü var ki, bu 3 ölkədə insanlar digər günlərdən daha az doğulurlar. İqtisadçı Djey Zaqorskiy bildirib ki, 25 dekabr ABŞ, Avstraliya və Yeni Zelandiyada uşaqların doğulması üçün ən az populyar olan gündür. İngiltərə, Uels və İrlandiyada isə, bu gün, britaniyalıların Boks Gününü qeyd etdiyi 26 dekabrdan sonra ikinci ən populyar gündür. Tədqiqatçılar Steysi Dikert-Konlin və Amitabh Çandra 1978-ci ildən 1992-ci ilə qədər olan doğum qeydlərini təhlil ediblər və ilin hər gününü həmin gündə doğum ehtimalı sırasına görə sıralayıblar. Onlar nəticələri New York Times qəzetində dərc ediblər. Dörd ildə bir dəfə baş vermə üstünlüyü olan 29 fevraldan başqa, bu müsabiqənin qalibi dekabrın 25-dir. Qeyd edək ki, Milad bu günə düşür. Tədqiqatçılar məhsuldarlığın illik azalması və axınının bioloji səbəblərini tapıblar. Xüsusilə, körpələr ilin istənilən vaxtından daha çox yay və payız aylarında doğulur. İnsanlar bayram günləri məhz bayram olduğu üçün daha az doğum edirlər. Mütəxəssislər bildirib ki, Birləşmiş Ştatlarda ən pis günlərin hamısı bayramlarla bağlıdır, istər Milad, istər Yeni il, istərsə də İyulun 4-ü. Bir iqtisaçı qeyd edib ki, demək olar ki, qeysəriyyə əməliyyatı ilə olan doğuşların heç birisi, dövlət bayramlarında və ya həftə sonlarında həkimlər tərəfindən planlaşdırılmır. ABŞ-də təbii yolla olan doğuşların belə, dörddə birindən çoxu tibbi göstərişlərə əsasən və planlı şəkildə həyata keçirilir.