Artıq sülh razılaşdırılıb - Siyasi şərhçi

Birləşmiş Ərəb Əmirliklərinin Əbu-Dabi şəhərində Azərbaycan Prezidenti İlham Əliyevin Ermənistanın Baş naziri Nikol Paşinyanla görüşü başlayıb. Görüşdən yayılan ilk videonu - Azərbaycan və Ermənistan liderlərinin, nümayəndə heyətlərinin salamlaşmasını danışılqarın müsbət atmosferdə keçəcəyinə işarə kimi qəbul edən siyasi şərhçi Məhəmməd Əsədullazadə Medianews.az-a bildirib ki, konkret nəticələr barədə razılıq əldə olunduğunu güman etmək olar: “Deyərdim ki, artıq tərəflər arasında şifahi sülh razılaşdırılıb. İkitərəfli şəkildə baş tutan görüşdə nəqliyyat və kommunikasiya yollarının açılması və sülh müqaviləsi ərəfəsi kimi bir sazişin imzalanması mümkün ola bilər. ABŞ-ın birbaşa dəstək verdiyi bu görüşdə yekun sülh müqaviləsinin növbəti mərhələdə imzalanması mümkündür. Təbii ki, ABŞ və Türkiyə sülh müqaviləsində maraqlıdır. Ermənistanda cərəyan edən daxili siyasi böhran, Rusiyanın artan təzyiqləri Paşinyanın gələn il keçirilməli olan parlament seçkilərində qələbəsini şübhə altına salır. Ona görə Paşinyan revanşist müxalifəti sıradan çıxarır. Kilsədə Rusiya təsirini zəiflədir. Baş verənlər sülh üçün münbit şərait yaradır. Artıq Ermənistan Konstitusiya dəyişikliyi üçün komissiya da təşkil edib”. Toğrul Əli, Medianews.az