Kəlbəcərdə hərbçilər qəzaya düşdü - Yaralılar var

Kəlbəcərdə hərbçilərin olduğu maşın aşıb. “Qafqazinfo” xəbər verir ki, hadisə rayonun İstisu qəsəbəsində qeydə alınıb. Beyləqan rayon sakini 1980-ci il təvəllüdlü Xaliq Quliyevin idarə etdiyi “UAZ” markalı avtomobil idarəetmədən çıxaraq dərəyə aşıb. Nəticədə sürücü və avtomobildə olan digər hərbçilər - Beyləqan rayon sakini 1988-ci il təvəllüdlü Elmir Həsənov və Gəncə şəhər sakini 2000-ci il təvəllüdlü Vaqif Məmədov müxtəlif dərəcəli bədən xəsarətləri alıblar. Yaralıların vəziyyətləri qənaətbəxşdir. Araşdırma aparılır.