Aİ Rusiya ilə viza razılaşmasını dayandıra bilər

Avropa İttifaqı xarici işlər nazirləri gələn həftə Praqada keçiriləcək ikigünlük iclasda 2007-ci ildə Aİ-Rusiya viza rejiminin sadələşdirilməsi sazişinin dayandırılmasını dəstəkləməyi planlaşdırır. Medianews.az "Financial Times"a (FT) istinadən xəbər verir ki, Bu qərarın formalaşmasına Rusiyanın Ukraynada əməliyyatlara başlaması səbəb olub. Aİ-nin yüksək rütbəli rəsmisi qəzetə deyib: "Rusiyalı turistlərin şəhərlərimizdə gəzməyi bizim üçün qəbuledilməzdir. Rus xalqına siqnal verməliyik ki, bu müharibənin əleyhinəyik". Aİ rəsmisi bildirib ki, ilin sonuna qədər əlavə məhdudiyyətlərin qəbul ediləcəyi gözlənilir. Ayşən Azadova Medianews.az