Ötən il işlədiyi pul köçürmə şirkətindən 1 milyon avro oğurlayan Mirnesa adlı qadın Almaniyaya qayıdıb və təslim olub.
Medianews.az xəbər verir ki, başına 37 min 500 avroluq mükafat qoyulan qadının oğurladığı pulla nə etdiyi məlum deyil.
“Almaniyanın ən çox axtarılan qadını” kimi təqdim edilən, keçən ilin sonlarında işlədiyi pul köçürmə şirkətindən 1 milyon avro oğurlayaraq yoxa çıxan 42 yaşlı Mirnesa S. həftələr sonra ortaya çıxıb.
Almaniyanın ən çox oxunan qəzetlərindən olan “Bild”də çıxan xəbərdə Mirnesanın dünən Ştutqar hava limanına enərək polisə təslim olduğu açıqlanıb. Mirnesanın oğurladığı 1 milyon avro ilə nə etdiyi araşdırılarkən o bildirilib ki, pulun hazırda harada olduğu məlum deyil.
Axtarışlar 2022-ci ilin oktyabrında oğurluq edən Mirnesanın yoxa çıxmasından sonra başlayıb. Baş müfəttiş İlona Bonn deyib ki, Avropanın hər yerindən 180-dən çox məlumat gəlib. Lakin bunlar nəticəsiz olub və qadını tapa bilmirdilər.
Medianews.az