İtaliyanın baş naziri Giorgia Meloni baş nazirlik müddətinin ilk ilin sonu toplantısında Rusiya ilə müharibənin davam etdiyi Ukraynanın paytaxtı Kiyevə gedəcəyini açıqlayıb. Meloni bildirib ki, fevralın 24-dək Kiyevə səfər edəcək.
Medianews.az bildirir ki, İtaliyanın baş naziri Giorgia Meloni Rusiya ilə müharibənin davam etdiyi Ukraynanın paytaxtı Kiyevə gedəcəyini bəyan edib.
İtaliyanın ANSA agentliyinin xəbərinə görə, ölkədə sentyabrın 25-də keçirilən ümumi seçkilərdən sonra oktyabrın 22-də vəzifəsinin icrasına başlayan Meloni ilin ilk mətbuat konfransını keçirib.
Meloni fevralın 24-dən, Ukrayna-Rusiya müharibəsinin ildönümündən əvvəl Kiyevə gedəcəyini açıqlayıb.
Ukrayna prezidenti Vladimir Zelenski ilə telefon danışığına toxunan Meloni deyib ki, o, Kiyevə getdiyini Zelenskiyə də deyib.
Görüş zamanı Meloni bəyan edib ki, İtaliya sülh prosesinin təminatçısı olmağa hazırdır və buna görə də fevralın 24-dən əvvəl Kiyevə getmək niyyətindədir və ilk addımların atıla biləcəyinə inanır.
Sülhdən yana ola biləcək hər şeyin tərəfində olduğuna diqqət çəkən Meloni, “Ancaq açıq şəkildə bilməliyik ki, sülh yalnız istəyərək əldə edilə bilməz” deyib.
Meloni bəyan edib ki, sülh üçün konkret çalışmaq lazımdır.
Zelenskinin də sülh üçün təşəbbüslər irəli sürmək istədiyinə işarə edən Meloni, “Sülhü təmin etmək üçün edilə biləcək hər şey edilməlidir, heç kim müharibəni sevmir və biz bununla razıyıq” açıqlamasını verib.
Meloni qeyd edib ki, sülh istəyərkən Ukraynanın müstəqilliyinə və ərazi bütövlüyünə hörmətlə yanaşılacaq.