Media
Ümumdünya Səhiyyə Təşkilatı (ÜST) İngiltərədə ortaya çıxan, Avropa və ABŞ-da yayılan mənşəyi məlum olmayan hepatit virusundan bir uşağın öldüyünü açıqlayıb.
Medianews.az xəbər verir ki, ÜST Avropa Bölgəsinin Yüksək Patogen Təhdidlər Qrupunun üzvü Riçard Pebodi bununla bağlı bir çox ölkələrə xəbərdarlıq edib.
Gizli hepatit virusu yayılarkən, Ümumdünya Səhiyyə Təşkilatı (ÜST) etdiyi yazılı açıqlamada, 11 ölkədə görülən ən az 169 hepatit yoluxmasınadan birinin bu virus səbəbiylə öldüyünü paylaşıb.
Riçard Pebodi ABŞ-da yayımlanan sağlamlıq xəbər saytı Stat-a bildirib ki, hepatit yoluxmaları yüksək olmasa da, pis nəticələr verib. Müəmmalı hepatit yoluxmalarından yeni bir epidemiyanın ortaya çıxıb-çıxmayacağının hələ dəqiq olmadığını vurğulayan Pebodi, ÜST-ə üzv ölkələrin araşdırmalar aparması barədə xəbərdarlıq edib.
Müəmmalı HEPATİT yoluxmaları : ƏLAMƏTLƏR HANSIDIR?
ÜST aprelin 16-da verdiyi yazılı açıqlamada İngiltərədə 74 uşaqda mənşəyi bilinməyən hepatit virusu aşkar etdiyini açıqlayıb. Dünən verilən açıqlamada, yoluxmaların 11 ölkəyə və ən azı 169 nəfərə çatdığı bildirilib.
Virus aşkarlanan uşaqlarda son bir ayda sarılıq, ishal, qusma və qarın ağrısı kimi simptomların müşahidə edildiyi, bəzi hallarda ağır qaraciyər iltihabı olduğu və qaraciyər transplantasiyası ilə müalicə edildiyi bildirilib.
Qeyd olunub ki, yoluxanlardan biri hepatitli şəxs və ya bir neçə şəxslə təmasda olub, digər xəstələrin virusa haradan yoluxduğu məlum deyil.
Xəstəliyin “müəmmalı” və ya “səbəbi qeyri-müəyyən” olaraq təyin edilməsi, Covid-19 virusunu ağla gətirərkən yeni bir “qlobal epidemiya” ehtimalını da gündəmə çıxarıb.
Qeyd edək ki, Covid 19-da adı verilməzdən əvvəldən ağ ciyər problemi kimi müəyyən edilirdi.
Turan Oruc
Medianews.az
