Hippopotam safari zamanı turisti PARÇALADI

Zambiyada safari zamanı hippopotam qadın turisti parçalayıb. Medianews.az xəbər verir ki, qadının əri faciəvi hadisədə turizm şirkətini günahlandırıb. 70 yaşlı Lisa Manders və əri Kreyq 2024-cü ilin mayında 10 günlük safari üçün Zambiyaya gediblər. Səfər ABŞ-də ofisləri olan Portfolio Afrika tur şirkəti tərəfindən təşkil olunub. Səfərin beşinci günündə bələdçilər hippopotamların yaşadığı çay sahilinə gəzinti turu təşkil ediblər. Gəzinti zamanı turistlər orada üzən heyvanları görmək və fotoşəkil çəkmək üçün suya yaxınlaşmağa təşviq edilib. Eyni zamanda turistlər sahildə tək qalıb. Gözlənilməz hadisələr zamanı birinin yanında tüfəng olan iki bələdçi uzaqlaşıb. Manders suyun kənarında dayanmışdı və hippopotamın biri onu görüb sahilə tərəf qaçıb. O, yüksək sürətlə Mandersə yaxınlaşıb, dişləri ilə onun başını tutub və əzib. Bundan sonra onun bədənini tapdalamağa başlayıb. Mandersi xilas etmək mümkün deyildi, hücum ölümcül və ildırım kimi sürətli idi. Faciədən sonra Kreyq Portfolio-nu səhlənkarlıqda və əsas təhlükəsizlik tədbirlərini görməməkdə günahlandırıb. O, şirkətə qarşı iddia qaldırıb. Portfolio nümayəndələri hadisəni faciəvi qəza adlandırırlar. Medianews.az